უახლესი ტექნოლოგიის ხელ-მკლავის რობოტით თერაპია ახალ შესაძლებლობებს აძლევს პარალიზებული ზედა კიდურების მქონე პაციენტებს!

Armeo Power რეაბილიტაცია არის რობოტული სარეაბილიტაციო მოწყობილობა, რომელიც შეიძლება გამოყენებულ იქნას ხელისა და მკლავის მოძრაობის დარღვევების დროს დისფუნქციის ადრეული ეტაპზე.

რა უპირატესობები აქვს Armeo Power-ით რეაბიიტაციას?

რეაბილიტაციის ადრეული ეტაპებიდან Armeo Power რბოტული თრერაპია:
რობოტის დახმარებით მოძრაობის უზრუნველყოფით, ხელს უშლის კუნთების დისტროფიას მკლავისა და ხელის მოძრაობის დისფუნქციის მქონე პაციენტებში
ამცირებს შეშუპებას სისხლის მიმოქცევის აღდგენის დახმარებით
ხელს უშლის სახსრების შეზღუდულობას უმოძრაობის გამო და ამცირებს ტკივილს
ადრეულ სტადიაზე ხელის ფუნქციების აღდგენით, ამცირებს პაციენტის სხვაზე დამოკიდებულებას ყოველდღიურ ცხოვრებაში და ზრდის მოტივაციას.

მკურნალობის მთავარი მიზანია ხელის და მკლავის საკმარისი მხარდაჭერის უზრუნველყოფა და პაციენტის ხელის მოძრაობის კონტროლი, პაციენტის ხელისა და მკლავის დისფუნქციის აღმოფხვრა.

რა არის რობოტის დახმარებით ხელ-მკლავის რეაბილიტაცია?

ეს არის რობოტული დახმარებით ნეირორეაბილიტაციის მეთოდი, რომელიც გამოიყენება მკლავისა და ხელის დისფუნქციების დროს, რომლებიც განვითარებულია ისეთი ნევროლოგიური დარღვევების შედეგად, როგორიცაა:
ინსულტი
თავის ტვინისა და ხერხემლის ტრავმული დაზიანება
ტვინისა და ზურგის ტვინის დაზიანება
ცერებრალური დამბლა (თავის ტვინის დამბლა ბავშვებში)
ნევროლოგიური დაავადებები, როგორიცაა გაფანტული სკლეროზი

ის აუმჯობესებს ხელის და მკლავის გამოყენებას და ეხმარება პაციენტის ყოველდღიური აქტივობების განვითარებას, როგორიცაა საგნის ხელით დაჭერა, ჭამა და ჩაცმა. ეს დიდად უწყობს ხელს რეაბილიტაციას ადრეულ ეტაპზე, მათ შორის მძიმე მოძრაობის დარღვევის მქონე პაციენტებში.

როგორ ეხმარება პაციენტს Armeo Power თერაპია?

Armeo Power იძლევა მაღალი კონცენტრაციის სპეციფიკური მოძრაობების საშუალებას და ხელს უწყობს სიგნალის გამტარი სისტემის რეფორმირებას, რომელიც დაქვეითებულია დისფუნქციის გამო. ეს ხელს უწყობს თავის ტვინისგან წარმოქმნილი სიგნალის ნაკადის აღდგენას და/ან სიგნალის გამტარობის რეფორმირებას, რომელიც შეფერხებულია ტრავმის გამო და უზრუნველყოფს მოძრაობის დაწყებას. ეს არის მეთოდი, რომელიც აღადგენს მოძრაობის უნარს, ავითარებს დაჭერის ძალას და უზრუნველყოფს ტვინის ფუნქციის რეორგანიზაციას. Armeo Power-ით განმეორებითი მოძრაობების და გააქტიურებულ სტიმულაციაზე რეაგირების შედეგად, თავს ტვინში შესაბამისი მექანიზმები ქმნიან ახალი ნერვული კავშირების ფორმირებას ჯანსაღი ნერვული სხეულებისგან. სტიმულაციის მატებასთან ერთად, გამოუყენებელი, დაზიანებული ნერვული კავშირები იკარგება და იცვლება ახლად წარმოქმნილი ნერვული კავშირებით. ამრიგად, პაციენტის ხელისა და მკლავის მოძრაობის უნარი იზრდება.

გამოყენების სფეროები

ფიზიკური თერაპია და რეაბილიტაცია
ნევროლოგია და ნეიროქირურგია
ორთოპედია და ტრავმატოლოგია
როგორ მუშაობს Armeo Power?

ხელის რობოტი შედგება რობოტული გარე ჩონჩხისა და ელექტრო სვეტისგან, რომელიც შეიძლება მორგებული იყოს საჭირო სიმაღლეზე და შექმნას სამგანზომილებიანი სამუშაო სივრცე. რობოტი აფიქსირებს მთელ ზედა კიდურებს და მათი მოძრაობის ფუნქციის აღდგენას უწყობს ხელს. რობოტის გამოყენება შეიძლება ორივე ხელზე, მკლავის მთელ სიგრძესა და სიგანეზე. რობოტის დახმარებით შესაძლებელია მხრის, იდაყვის, მკლავის, მაჯისა და ხელის მტევნის მთლიანად ამუშავება. Armeo Power რობოტი ექვემდებარება კომპიურტერულ კონტროლს და მისი პროგრამული უზრუნველყოფით ინტენსიური რუტინული მოძრაობების შემცველი პროგრამული თამაშები, პაციენტის მოტივაციას ამაღლებენ. ეს თავის მხრივ, დადებითად მოქმედებს მთლიანად ზედა კიდურების მოძრაობის უნარის გაუმჯობესებაზე.

არმეო ფაუერი (Armeo Power) ხელისა და მკლავის რობოტი